СОЛТҮСТІК ҚАЗАҚСТАН ОБЛЫСЫ АЙЫРТАУ АУДАНЫНЫҢ ФЛОРАСЫ: ӨСІМДІКТЕРДІҢ ТҮРЛІК ҚҰРАМЫ, ТІРШІЛІК ФОРМАЛАРЫ ЖӘНЕ ЭКОЛОГИЯЛЫҚ ТОПТАРЫ

Аннотация

Зерттеу нысаны ретінде Солтүстік Қазақстан облысы Айыртау ауданының флорасында кездесетін өсімдіктер таңдалды. Зерттеу барысында Солтүстік Қазақстан облысы Айыртау ауданының флорасынан 22 тұқымдас, 60 туысқа жататын өсімдіктердің 80 түрі анықталды. Түрлер саны бойынша Asteraceae Bercht., Amaranthaceae Juss., Fabaceae Lindl., Plantaginaceae Juss. және Poaceae Barnhart. сияқты тұқымдастар басым болды. Өсімдіктердің экологиялық талдауы мезофиттер, мезоксерофиттер және гигромезофиттердің басым екенін көрсетті. Өсімдіктердің тіршілік формалары бойынша жіктелуі бұталардың - 2 түрді, көпжылдық шөптесін өсімдіктердің – 53 түрді, бір жылдық шөптесін өсімдіктердің – 20 түрді және екіжылдық шөптесін өсімдіктерді – 5 түрді қамтитыны анықталды. К. Раункиер классификациясына сәйкес өсімдіктердің келесі топтарға бөлінді: гемикриптофиттер (50 түр; 62,5%), терофиттер (11 түр; 13,75%), криптофиттер (16 түр; 20%), хамефиттер (1 түр; 1,25%) және нанофанерофиттер (2 түр; 2,5%). Зерттеу жұмысының нәтижелері Солтүстік Қазақстан облысының, атап айтқанда Айыртау ауданының флорасы туралы деректерді толықтыруға мүмкіндік береді.

Түйінді сөздер:  флора, биоалуантүрлілік, жүйелі талдау, түрлік құрамы, тіршілік формалары, өсімдіктердің экологиялық топтары